Ang Tunay na Diwa ng Pasko

Nais kong isalaysay sa iyo ang tunay na diwa ng Pasko bilang kapanganakan ni Hesus.

Una sa lahat, Sino nga ba si Hesus?

Sa pamamagitan Niya nalalang ang lahat ng bagay:

Sapagkat sa pamamagitan niya ay nilikha ang lahat ng nasa langit at nasa lupa, nakikita man o hindi, pati ang mga espirituwal na kapangyarihan, paghahari, pamamahala, at pamumuno. Ang lahat ay nilikha ng Diyos sa pamamagitan niya at para sa kanya. (Colosas 1:16 MBB)

Si Hesus ay bugtong na Anak ng Diyos:

(Mateo 16:16 MBB) Sumagot si Simon Pedro, “Kayo po ang Cristo, ang Anak ng Diyos na buháy.”

Gaya ng nakasulat sa propesiya, natupad nga na ang Cristo ay ipapanganak sa Betlehem:

Tumugon sila, “Sa Bethlehem po, sapagkat ganito ang isinulat ng propeta:

‘At Ikaw, Bethlehem, sa lupain ng Juda, ay hindi pinakahamak sa mga pangunahing bayan ng Juda. Sapagkat sa iyo magmumula ang isang pinuno na mamamahala sa aking bayang Israel.’” (Mateo 2:5-6 MBB)

Mula sa Kataasan Niya sa Langit, ito rin ay Siyang sanggol na ipinanganak sa sabsaban:

At kaniyang ipinanganak ang panganay niyang anak na lalake; at ito'y binalot niya ng mga lampin, at inihiga sa isang pasabsaban, sapagka't wala nang lugar para sa kanila sa tuluyan. (Lucas 2:7) 

Si Hesus ay Diyos na nagkatawang tao, sa pamamagitan ng kapangyarihan ng Espiritu santo. Ipinanganak siya ng birheng si Maria mga higit 2000 taon na ang nakakaraan.

Paano ito nangyari?

“Paano pong mangyayari ito gayong ako'y isang birhen?” tanong ni Maria. Sumagot ang anghel, “Sasaiyo ang Espiritu Santo at mapapasailalim ka sa kapangyarihan ng Kataas-taasang Diyos. Dahil dito, ang isisilang mo'y banal at tatawaging Anak ng Diyos. Hindi ba't ang kamag-anak mong si Elizabeth ay baog? Gayunma'y naglihi siya at ngayo'y ikaanim na buwan na ng kanyang pagdadalang-tao kahit na siya'y matanda na, 37 sapagkat walang anumang bagay na hindi kayang gawin ng Diyos.” (Lucas 1:34-37 MBB)

(JUAN 3:16)Sapagkat gayon na lamang ang pag-ibig ng Diyos sa sangkatauhan, kaya't ibinigay niya ang kanyang bugtong na Anak, upang ang sinumang sumampalataya sa kanya ay hindi mapahamak, kundi magkaroon ng buhay na walang hanggan.

Si Hesus ay namuhay ayon sa kalooban ng Diyos Ama. Tinukso siya gaya natin pero hindi pa rin Siya nagkasala:

Sapagka't tayo'y walang isang dakilang saserdote na hindi maaaring mahabag sa ating kahinaan, kundi isa na tinukso sa lahat ng mga paraan gaya rin naman natin gayon ma'y walang kasalanan. (Hebreo 4:15)

Bakit ipinanganak si Hesus?

At siya'y manganganak ng isang lalake; at ang pangalang itatawag mo sa kaniya'y JESUS; sapagka't ililigtas niya ang kaniyang bayan sa kanilang mga kasalanan. (Mateo 1:21)

Paano mo makakamtan ito?

(Marcos 1:15)  [Sabi ni Hesus], Naganap na ang panahon, at malapit na ang kaharian ng Dios: kayo'y mangagsisi, at magsisampalataya sa evangelio. 

Dapat na maging pinakamahalagang relasyon sa iyo ay ang relasyon mo sa Diyos higit sa kaninomang tao o bagay. At kailangan mong magkaroon ng matinding kalungkutan sa mga kasalanan mo sa Diyos.

Lahat tayo ay nagkasala sa harapan ng Diyos. Ito ang listahan ng ilan sa mga gawang salungat sa Diyos:

O hindi baga ninyo nalalaman na ang mga liko ay hindi magsisipagmana ng kaharian ng Dios? Huwag kayong padaya: kahit ang mga mapakiapid, ni ang mga mananamba sa diosdiosan, ni ang mga mangangalunya, ni ang mga nangbababae, ni ang mga mapakiapid sa kapuwa lalake. 

Ni ang mga magnanakaw, ni ang mga masasakim, ni ang mga manglalasing, ni ang mga mapagtungayaw, ni ang mga manglulupig, ay hindi mangagmamana ng kaharian ng Dios. (1Corinto 6:9-10)

Nawa'y matarok mo ang kaseryosohan ng bagay na ito na huhukuman tayo ng Diyos ayon sa ating gawa, masama man o mabuti.

Kailangan mong pagsisihan ang pagiging makasalanan mo yamang iyong alam na isinugo ng Diyos ang kanyang Anak upang ipako sa krus upang iligtas tayo sa kapahamakan. Kaya manampalataya ka kay Hesus. Kung sino Siya at ano ang kaya niyang gawin para sa iyo.

Si Hesus ay ipinanganak upang iligtas tayo sa kasalanan. Hindi lang sa kaparusahan, kundi sa kasalanan mismo.

Sikapin ninyong makasundo ang lahat, at magpakabanal sapagkat hindi ninyo makikita ang Panginoon kung hindi kayo mamumuhay nang ganito. (Hebreo 12:14 MBB)

Hindi naman ito ibig sabihin na perpekto ka agad. Ngunit kalakip ng tunay na pananalig kay Hesus ang paglilinis ng Diyos at pagbabago Niya sa iyong puso upang mamuhay ayon sa kanyang kalooban:

(Ezekiel 36:25-27 MBB)

Wiwisikan ko kayo ng tubig na dalisay upang kayo'y luminis. Aalisin ko rin ang naging mantsa ninyo dahil sa inyong mga diyus-diyosan. Bibigyan ko kayo ng bagong puso at bagong espiritu. Ang masuwayin ninyong puso ay gagawin kong pusong masunurin.  Bibigyan ko kayo ng aking Espiritu upang makalakad kayo ayon sa aking mga tuntunin at masunod ninyong mabuti ang aking mga utos.

(Hebreo 10:16-17) Ito ang tipang gagawin ko sa kanila Pagkatapos ng mga araw na yaon, sabi ng Panginoon; Ilalagay ko ang aking mga kautusan sa kanilang puso, At isusulat ko rin naman sa kanilang pagiisip; 

At ang kanilang mga kasalanan at kanilang mga kasamaan ay hindi ko na aalalahanin pa.

Ito ang kahulugan ng kapanganakan ni Cristo, Ito ang tunay na diwa ng Pasko. Naway maging makabuluhan ang iyong Pasko na si Hesus ang Panginoon mo.

-------------------------------------------------------------

FreeChristianResource.weebly.com

Ano nga ba ang BORN AGAIN?

Marami ang may-akala na ang born again ay isang relihiyon kung saan may sayawan, kantahan at maingay na drum set, ngunit hindi ito ang tunay kahulugan ng pagiging “born-again”.

Ang pagiging born-again ay ang dapat mangyare sa isang tao upang makakita at makapasok sa kaharian ng Diyos. Ito ang sabi ni Hesus kay Nicodemo (isang relihiyosong tao):
Maiging tunghayan sa Biblia:
(John 3:3-4) :  Sumagot si Jesus at sa kaniya'y sinabi, Katotohanan, katotohanang sinasabi ko sa iyo, Maliban na ang tao'y ipanganak na muli (sa Ingles, be born again) , ay hindi niya makikita ang kaharian ng Dios. Sinabi sa Kaniya ni Nicodemo, Paanong maipanganganak ang tao kung siya'y matanda na? makapapasok baga siyang bilang ikalawa sa tiyan ng kaniyang ina, at ipanganak?

Lahat tayo ay ipinanganak sa laman, galing sa nanay at tatay natin. Ang ibig sabihin hi Hesus sa maborn-again ay maipanganak tayo sa espiritu, sapagkat lahat tayo ay nangamatay ang espiritu dahil sa pagkakasala(Roma 6:23).

(Juan 3:5-6): Sumagot si Jesus, Katotohanan, katotohanang sinasabi ko sa iyo, Maliban na ang tao'y ipanganak ng tubig at ng Espiritu, ay hindi siya makapapasok sa kaharian ng Dios.  Ang ipinanganak ng laman ay laman nga; at ang ipinanganak ng Espiritu ay espiritu nga.

Kaya nga kahit anak ka man ng pastor o isang pari, hindi ito nangangahulugang ikaw ay born-again.

Paano ka maboborn-again?

Una sa lahat, ang pagiging born-again ay gawa ng Espiritu Santo. Tulad ng isang sangol na hindi kayang mabuo sa ganang kanyang sarili, gayun din naman ang pagiging born-again.

Juan 3:8  Humihihip ang hangin kung saan niya ibig, at naririnig mo ang kaniyang ugong, nguni't hindi mo nalalaman kung saan nanggagaling, at kung saan naparoroon: gayon ang bawa't ipinanganak ng Espiritu.

Kalooban ng Diyos na ikaw ay maboborn-again:
Juan 1:12-1
Datapuwa't ang lahat ng sa kaniya(Jesus) ay nagsitanggap, ay pinagkalooban niya sila ng karapatang maging mga anak ng Dios, ….Na mga ipinanganak na hindi sa dugo, ni sa kalooban ng laman, ni sa kalooban ng tao, kundi ng Dios.

Maniwala kay Jesus at pagsisihan ang iyong mga kasalanan:

1 Corinto 6:9-10 (TLAB)
9 O hindi baga ninyo nalalaman na ang mga liko ay hindi magsisipagmana ng kaharian ng Dios? Huwag kayong padaya: kahit ang mga mapakiapid, ni ang mga mananamba sa diosdiosan, ni ang mga mangangalunya, ni ang mga nangbababae, ni ang mga mapakiapid sa kapuwa lalake.
10 Ni ang mga magnanakaw, ni ang mga masasakim, ni ang mga manglalasing, ni ang mga mapagtungayaw(mapagmura), ni ang mga manglulupig, ay hindi mangagmamana ng kaharian ng Dios.

Paano ko malalaman kung ako ay born again?

Natatanging pagmamahal:

1 Juan 4:7  Mga minamahal, mangagibigan tayo sa isa't isa: sapagka't ang pagibig ay sa Dios; at ang bawa't umiibig ay ipinanganak ng Dios, at nakakakilala sa Dios.

Pananampalataya sa Panginoong Jesus:
1 Juan 5:1  Ang sinomang nananampalataya na si Jesus ay siyang Cristo ay ipinanganak ng Dios: at ang bawa't umiibig sa nanganak ay umiibig din naman sa ipinanganak niyaon.

Gumagawa ng katuwiran:
1 Juan 2:29  Kung nalalaman ninyong siya'y matuwid, nalalaman naman ninyo na ang bawa't gumagawa ng katuwiran ay ipinanganak Niya.

Ito ang bunga na makikita sa isang taong born-again:
Galatia 5:22-23
Datapuwa't ang bunga ng Espiritu ay pagibig, katuwaan, kapayapaan, pagpapahinuhod, kagandahang-loob, kabutihan, pagtatapat, Kaamuan, pagpipigil; laban sa mga gayong bagay ay walang kautusan.

Meron ka ba ng mga ito?

2 Corinto 5:17  Kaya't kung ang sinoman ay na kay Cristo, siya'y bagong nilalang: ang mga dating bagay ay nagsilipas na; narito, sila'y pawang naging mga bago.

____________________________________
FreeChristianResource.weebly.com

Lord, patawad?

“Lord, patawad”? (Tract)

Sa tingin mo ba ay kagalang-galang sa Diyos ang kantang ito? Sa tingin mo ba ay kaya mong kantahin ito para humingi ng tawad sa boss mo sa trabaho? O sa presidente? O sa iyong guro sa iskwelahan?
Kung gayon bakit mo ito inaawit, taus-puso ka ba sa mga sinasabi mo?

Huwag kayong padaya; ang Dios ay hindi napabibiro: sapagka't ang lahat na ihasik ng tao, ay siya namang aanihin niya.  Galatia 6:7
Huwag mong babanggitin ang pangalan ng Panginoon mong Dios sa walang kabuluhan; sapagka't hindi aariin ng Panginoong walang sala ang bumanggit ng kaniyang pangalan sa walang kabuluhan. Exodo 20:7
Hindi katawa-tawa ang kasalanan.. Sapagka't ang kabayaran ng kasalanan ay kamatayan (Roma 6:23) at  si ..Cristo ay namatay dahil sa ating mga kasalanan,.. (1Corinto 15:3)

Ang sabi ni Hesus:

Hindi ang bawa't nagsasabi sa akin, Panginoon, Panginoon, ay papasok sa kaharian ng langit; kundi ang gumaganap ng kalooban ng aking Ama na nasa langit.
- Alamin kung ano ang kalooban ng Diyos sa Biblia

Marami ang mangagsasabi sa akin sa araw na yaon, “Lord, Lord,...” At kung magkagayo'y ipahahayag ko sa kanila, Kailan ma'y hindi ko kayo nangakilala: magsilayo kayo sa akin, kayong manggagawa ng masama. Mateo 7:22-23

Ito ba ang sasabihin sa iyo ni Hesus kapag nagkita kayo?

Patatawarin ka ba ng Diyos?

Mangagingat kayo sa inyong sarili: kung magkasala ang iyong kapatid, sawayin mo siya; at kung siya'y magsisi, patawarin mo siya. At kung siya'y makapitong magkasala sa isang araw laban sa iyo, at makapitong magbalik sa iyo na sasabihin, Pinagsisisihan ko; patawarin mo siya. Lucas 17:3-4
Sapagka't kung ipatawad ninyo sa mga tao ang kanilang mga kasalanan, ay patatawarin naman kayo ng inyong Ama sa kalangitan. Datapuwa't kung hindi ninyo ipatawad sa mga tao ang kanilang mga kasalanan, ay hindi rin naman kayo patatawarin ng inyong Ama ng inyong mga kasalanan. Mateo 6:14-15

Gawa 3:19  Kaya nga mangagsisi kayo, at mangagbalik-loob, upang mangapawi ang inyong mga kasalanan, upang kung magkagayon ay magsidating ang mga panahon ng kaginhawahang mula sa harapan ng Panginoon;

Magsisisi ka ba at tatawag kay Lord?

...Nakikilala ng Panginoon ang mga kaniya: at, Lumayo sa kalikuan ang bawa't isa na sumasambitla ng pangalan ng Panginoon. 2 Timoteo 2:19

Sapagka't kung ipahahayag mo ng iyong bibig si Jesus na Panginoon, at sasampalataya ka sa iyong puso na binuhay siyang maguli ng Dios sa mga patay ay maliligtas ka. Roma 10:9

"Sapagka't ikaw, Panginoon, ay mabuti, at mapagpatawad, at sagana sa kagandahang-loob sa lahat na tumatawag sa iyo." Awit 86:5